اخيرا جتلي
الفرصة!!
الفرصة!!
كانت تلك العبارة تدور في ذهن محسن وهو ذاهب الي منطقة
التجنيد..حيث كان ذاهبا ليتطوع بمحض إرادته لانه من الشباب الحريصين علي خدمة بلدهم...
لم يكن من الشباب الرعاع
الذين_حسب تصوره_يرتدون الجينز ويعبثون طيلة اليوم مع الفتيات ........
كان وسيظل شابا جادا طيلة
حياته....
حتي انه يستعيد ما دار بينه
وبين جده من بضعة ايام..
ناوي بعد
الليسانس تعمل ايه يامحسن يابني؟
ناوي اخش الجيش ياجدي..
هأ..انت ناسي انك مالكشي جيش
يابني لانك وحيد ابوك وامك؟شكلك كدة بتهزر معايا
لا بجد يا جدي..انا ناوي اتطوع..
انت مجنون؟دا كل اصحابك
بيحسدوك لانك مالكشي جيش..وكلهم بيتمنوا من ربنا التأجيل عشان يشوفوا حياتهم
لانهم تافهين يا جدي..كل واحد
عاوز يتجوز ويشتغل وخلاص
وهو دة حرام يابني؟
لا مش حرام بس لازم يعملوا كل
حاجة تكون فيها خدمة لبلدهم..
وهي البلد ناقصة خدماتك؟
ياجدي البلد قايمة علي خدماتي
وخدمات اللي زيي..
انت مخك متركب شمال زي الله
يرحمه ابوك وانا مش ناقص وجع دماغ..اللي انت شايفه في مصلحتك اعمله..
مصلحتي من مصلحة البلد ياجدي...
الذي يتوجه لمنطقة التجنيد..
**السائق**الاجرة يا شباب..
**محسن**هي كام يا ريس؟
**السائق**تلاتة جنيه ونص..
**محسن**نعم؟ليه؟رايح سويسرا؟؟
**السائق**يعني سويسرا بتلاتة
ونص؟؟
**واحد تاني**ايوة صحيح؟ليه
تلاتة ونص؟انا مش دافع غير جنيه..
**محسن**ايوة هو جنيه ان كان
عاجبك..مش عاجبك خليني انزل..
وقوفه في منتصف الطريق وقال
الاجرة اربعة
جنيه واللي مش عاجبه ينزل...
ونزل محسن من الميكروباص هو
و..آ..هو لوحده لان الاخرون استسلموا لكلام السائق !!.
وجد محسن نفسه في الجيزة حيث
السيارات الي المنطقة التي يقصدها كثيرة ورخيصة..(جنيه ونص بس)
وركب احدها ثم وجد نفسه في
لمح البصر(بعد ساعة ونص)امام منطقة التجنيد..
كانت اماله واحلامه وطموحاته
الممتلئ بها علي بعد عشرة امتار منه...
وتوجه مسرعا الي المكتب
المسئول قائلا..
انا عاوز اتطوع في الجيش..
ليه؟
نعم؟
ايه ..مبتسمعش؟بقوللك ليه؟
انا عاوز اخدم بلدي يافندم..
*في سخرية*طب روح اخدم بلدك في
الطابور اللي هناك ده..
الحشيش في الباطنية..
ياااه يظهر
اني مش لوحدي فعلا..مع اني كنت فاكر اني انا الوحيد اللي من نوعي
المعني مفهوما_وجد الطابور قد تقلص منه حوالي خمسة افراد..
وتبادل الحديث مع من امامه
ليكسر حاجز الملل..
**محسن**ياااه كل دة طابور؟
**الشخص الاخر**ياعم دة ارحم
من بتاع اول امبارح..
**محسن**وانت عرفت منين ان
الطابور بتاع اول امبارح كان اكبر من دة؟؟!
**الشخص الاخر**انا اصلي بقالي
اسبوع عالحال دة...
**محسن**ازاي يعني يا..
**الشخص الاخر**انا عبعاطي
السيد خليفة..وانت؟
**محسن**وانا محسن..المهم ازاي
بقالك اسبوع عالحال دة؟
**عبعاطي**اصلي كل ما اجي وأقف
في الطابور تيجي الساعة اتنين ويقولوا فوتوا بكرة..
**محسن _ناظرا في
ساعته_**يانهار اسود..دي الساعة اتنين الا ربع..!!انا لازم اعمل اي حاجة عشان اخلص
نفسي النهاردة...
الجزء التالت.....
وفجأة
تقدم مباشرة الي المكتب المختص وقال..
**محسن**صباح الخير...
**عسكري**اهو صباح..
**محسن**ممكن ادخل..اصلي عاوز
اتطوع..
**العسكري**يبجي تجف في
الطابور.
**محسن**مش ممكن..مش انتوا
بتروحوا الساعة اتنين؟يعني فاضل ربع ساعة..وانا عاوز اخلص ورقي دلوقت...
**العسكري**لا احنا مبنروحش
اتنين..احنا بنروح اتناشر وشرفك...يعني لو حصل ودخلتك مش هتخلص حاجة النهاردة برضو..
**محسن**يانهار مش فايت..طب
وهعمل ايه انا دلوقتي...
**العسكري**هات سوجارة وانا
اقوللك..
**محسن**رشوة يعني!!
**العسكري**سميها زي ما
تسميها...هتجيب سوجارة ولا تيجي بكرة؟
**محسن**بس انا مش بدخن...
**العسكري**خلاص روح هاتلي
علبة صوبر!!
قائلا بعض العبارات علي غرار((دانتوا عالم تقرف))و((الله يخرب بيوتكم))
كانت اول حاجة عملها محسن الصبح_اصله روح امبارح من غير ما
يعمل حاجة_انه نزل من
الساعة السابعة صباحا واستقل الميكروباص المتوجه الي التجنيد..و....
كام الاجرة
يا عم الحاج...
اربعة جنيه يابني...
ازاي ياعم؟دي امبارح كانت
بتلاتة ونص....
ماهو البنزيـ(م) غلي ....امال
انتوا فاكريننا بنحط الفلوس في جيبنا؟؟
ليه...بتستعمل بنزين 90 ولا
92؟؟؟
لا بستعمل سولار!!بس متنساش
الاكرامية بتاعة التباع دة غير الكارتة بتاعة امين الشرطة...
**في سره**الله يخرب بيوتكوا.!!!
التجنيد و....
ايه دة...نفس
الطابور...ويمكن زاد شوية...!!!
لمح
من بعيد عبعاطي صديق عمره ((اللي ميعرفوش غير امبارح)) وقاله..
ايه
دة...عبعاطي؟؟
اهلاااان ازيك يامحسن...مابيتش
معايا ليه؟؟؟
نعم؟؟انت كنت بايت هنا من
امبارح؟؟؟
ايوة طبعا...امال انت فاكرني
هروح اسيوط وارجع تاني كل يوم؟؟...
بس انت لما بايت؟؟متقدمتش في
الطابور ليه؟؟؟
لاننا بايتين من امبارح كلنا!!!!
ونمتوا فين؟؟؟
في ارض الله الواسعة!!
بدأت فكرة الجيش تخفت تدريجيا من رأس محسن وكاد
يقتنع انه يقدم علي فكرة حمقاء ولكنه عندما سمع في الراديو اللي كان مع عبعاطي اغنية..
وطني حبيبي الوطن الاكبر
يوم
ورا يوم امجاده بتكبر
وانتصراته
ماليه حياته
وطني
بيكبر وبيتحرك
وطني
وطني.........!!!!!!
بصراحة ودته في داااهية....
الجزء الرابع والاخير
تقدم
محسن مرة اخري الي العسكري اياه...
**محسن**انا عاوز اقابل الكبير هنا..
**العسكري((في بلاهة))**جبت
الصوبر؟!!!
وفجأة
انهال محسن علي العسكري بالسب والشتائم_المحترمة طبعا_....
الله يخرب
بيوتكم...وديتوا البلد في داهية"
وطني
حبيبي الوطن الاكبر
"حرام عليكواعاوز اتطوع واخدم بلدي
"
وانتصاراته
مالية حياته
"الله يخرب بيتك انت واللي مشغلينك"
وطني وطـ....
"طرااااااك...
محترم_بس قفا حكومة_قائلا
**الضابط**بتزعق ليه يلا؟؟
**محسن**انت بتضربني ليييه
**الضابط**ماهو احنا اللي
مشغلينه ياهبل...
**محسن**انا هوديكوا في داهية...!!!
**الضابط((في سخرية))**يعني
هتعمل ايه؟
**محسن**هروح اشتكيكوا
لــ..آآ....الله يخرب بيوتكوا..
وكاد ان ينقض علي الضابط لولا
ان ضربه العسكري علي رأسه بالسلاح الذي معه ضربة افقدته الوعي...
وعندما رآه عبعاطي تفجرت فيه
روح ابن البلد فهرول مسرعا الي العسكري الذي قام بـ((ترويق))محسن الذي سال الدم من
انفه ورأسه...
**الضابط**رايح فين ياله؟
**عبعاطي**بتعملوا ايه ياكفرة..
**الضابط**بتقول ايه؟_مع قفا
محترم_..
**عبعاطي**دة واد صايع ويستاهل
ياباشا!!!...
**الضابط**ايوة
كدة..اتعدل..وعاوز ايه بقي؟
**عبعاطي**اروح بلدنا..!!!
حكومي ليجد نفسه مربط بالشاش والقطن وبجانبه عبعاطي زميل كفاحه"هو اسمه عبعاطي ايه؟؟"وقال له
انا فين؟
في الدنيا..
ياعم هو انا ناقصك؟
انت في المستشفي..ايه اللي انت
عملته دة؟
عملت ايه انا مش فاكر حاجة..
تعدي علي الضابط اثناء تأدية
عمله..
وهو عمله انه يضرب الناس علي
قفاهم؟؟!
احمد ربنا انها جت لحد كدة...
الحمد لله
الحمد لله
الحمد لله
الحمد لله
بمناسبة تخرج ابنه من بكالريوس الهندسة بتقدير جيد جدا
هااا؟؟ناوي
تعمل ايه يا عمرو؟؟
ناوي اخش الجيش يا بابا!!!
انتهت القصة